ഉറക്കം തേടുന്നവർ .............

മനസ്സിൽ കുറിച്ചിട്ട അവ്യക്ത
ചിത്രമതിൽ ചായം പുരട്ടുവാൻ
ചിന്തയെ കത്തിച്ചു മനസ്സും പുകച്ചു
നിദ്രതൻ മേൽമുണ്ട് ദൂരെ കളഞ്ഞവർ

മഴവില്ലിൻ നിറങ്ങളെ കണ്ടു
കയ്യിലെ ചിത്രങ്ങൾ വലിച്ചെരിഞ്ഞ്
അതിരുകളറിയാതെ
ശൂന്യതയിലേക്ക് ഓടി മറയുന്നവർ

കഥയില്ലാ കഥയിലെ
ശീട്ട് കൊട്ടാരങ്ങൾ
പുകയുടെ കാൻവാസിൽവരച്ചു
അപക്വ ചിന്തകൾക്ക്
ന്യായത്തിന്റെ കൽതൂണുകൾ പണിതു
സമാദാനതിന്റെ ചിറകു തേടുന്നവർ

ഇവർ
സത്യങ്ങൾക്ക് നേരെ കാതടച്ചു
ഞാനാണ് സത്യമെന്നൊതുന്നവർ

അസംതൃപ്തി യുടെ ആരവങ്ങൾ
താളം പിടിക്കുന്ന രാത്രികൾ
നിദ്ര വഴി മാറവേ
മാത്രകൾ തേടി അലയുന്നു
സ്വപ്ന മുണ്ണുന്ന യുവത ....... 


"നമുക്ക് നാമേ പണിവതു സ്വർഗ്ഗവും നരകവുമതുപോലെ"

അഷ്‌റഫ്‌ എസ്സം വരിക്കോളി