എസ്സം .ബ്ലോഗ്‌

വാറുപൊട്ടിയ ചെരുപ്പ് ..... 

-------------------------------

നടന്നു തീര്‍ക്കാനുള്ള
ദൂരങ്ങളെ നോക്കി കളിയാക്കുന്നുണ്ട്
വാറുപൊട്ടിയ ചെരുപ്പ് ..
വിശപ്പിന്റെ നേര്‍ത്ത നിലവിളി
പറ്റിപ്പിടിച്ച ചുവരിന്
താഴെ കുറെ കണ്ണുകള്‍
അടുക്കളയിലേക്ക്
നോക്കിയിരിപ്പുണ്ട് .

മാംസം കൊത്തിപറക്കുന്ന
പരുന്തിന്റെ ചിറകില്‍
പറന്നകലുന്നുണ്ട്
കാമം തീര്‍ത്തു പടിയിരങ്ങിയവന്റെ
നുണകള്‍ ..

ചെളിയില്‍ വീണു
അഴുക്ക് പുരണ്ട
നീതിയുടെ ആപ്തവാക്യങ്ങള്‍
കേട്ട് ഒക്കാനിക്കുന്നുണ്ട്
കുറെ ശരീരങ്ങള്‍

കൊടിവെച്ച കാറില്‍
സഞ്ചരിക്കുന്നുണ്ട്
പാഴ്വക്കുകള്‍ ..
കൂടെ
പട്ടിണികിടന്നു
മരിച്ചവരുടെ തോല് കൊണ്ട്
ഉണ്ടാക്കിയ സഞ്ചിയില്‍
നോട്ടിന്റെ കെട്ടുകളും

ചെരുപ്പ് പൊട്ടിയ വാര്‍
കളിയാക്കി ചിരിക്കുന്നു
എന്നെയും കാത്തു ..!

അഷറഫ് എസ്സം. വരിക്കോളി