എസ്സം .ബ്ലോഗ്‌

അസ്തമയം  .................
=================================
പരന്ന വഴികൾ താണ്ടി നൂൽ പാലത്തിലേക്ക്
കൊഴിഞ്ഞു തീരുന്ന ആയുസ്സിലകൾ
പാദം വിറപ്പിക്കും പലരോഗ നാമങ്ങൾ
താഴെ അനുവാര്യതയുടെ മരണക്കിടക്ക

ശിശിരവും വസന്തവും പിന്നിട്ട ദേഹം
മറന്നു വെച്ച കർമ്മഭാണ്ഡം തിരയുന്നു
പിന്നുരുളില്ലാത്ത ജീവിത വണ്ടി
ജീർണ്ണിച്ച വചനവും, കർമ്മവും തിരുത്താൻ
ഒന്നു പിന്നോട്ടുരുണ്ടെങ്കിൽ .... !

മിന്നുന്ന ലോകത്ത് തെളിയാത്ത മരണം
തിമിരക്കണ്ണിലും തെളിഞ്ഞു കാണ്മൂ
കൂടെ നടന്നവർ മുന്നേ നടക്കുന്നു
പിന്തിരിഞ്ഞോടാ നിട വഴിയില്ലാതെ
സത്യമാം മരണത്തെ കാത്തിരിപ്പൂ

ദീർഗ്ഗായുസ്സെന്നിൽ തന്നിടെണം
ആരൊഗ്യനായ് മരിച്ചിടെണം
കൂട്ട് കുടുംബങ്ങൾ നന്മചൊല്ലി
പുഞ്ചിരിയോടെ യാത്ര പോണം

അഷ്‌റഫ്‌ എസ്സം. വരിക്കോളി