സ്നേഹം

സ്നേഹ മൊഴുകിയ വഴി
--------------------------------------- 
തുള്ളിയായിരുന്നപ്പോൾ 
ഗർഭ പാത്ര ഭിത്തിയോട് 
പൊക്കിൾ കോടി മുറിഞ്ഞപ്പോൾ 
ഉമ്മയോട്,
സ്നേഹം ചുരത്തുന്ന കണ്ണിൽ നോക്കവേ
ഉമ്മ ചൂണ്ടിയ ഉപ്പയോട്‌ ,
നേരെ നടന്നപ്പോൾ
ഉമ്മയും ഉപ്പയും ചേർന്നൊരുക്കിയ മാരനിലേക്ക്
സ്നേഹം കടലാഴങ്ങൾ പിന്നിടുമ്പോൾ
കടിഞ്ഞൂൽ കിടാവിലേക്ക്
പേറ്റു നോവുകളുടെ എണ്ണം പെരുകിയപ്പോൾ
സ്നേഹ സാഗരം പരന്നൊഴുകി
പേര പിറന്നപ്പോൾ താരാട്ടിനു
റയ്യാനിന്റെ സുഗന്ധം
വാർദ്ധക്യം ചുളിവ് തീർത്തപ്പോൾ
വിണ്ടു കീറിയ സ്നേഹ സാഗരം നോക്കി
ക്ഷമയിലേക്ക് ..
ഓർമ്മകൾ പിന്നോട്ടും മുന്നോട്ടും ചലിക്കവേ
ഉമ്മയും ഉപ്പയും ഒരുക്കിയ
കുഞ്ഞോർമ്മകളുടെ കിനാവിലേക്ക്
ഒടുവിൽ പ്രമാണങ്ങളിൽ ഒപ്പ് വെക്കുവാൻ
അവസാനത്തെ ചിരിയും ഏറ്റു വാങ്ങി
മക്കളൊരുക്കിയ നിശബ്ദ മുറിയിലെത്തുമ്പോൾ
മരണത്തോട്

അഷ്‌റഫ് എസ്സം വരിക്കോളി