=============================
നീര്മാതളത്തിന്റെ നാട് വിട്ടു
നീരുറയില്ലാത്ത നാട്ടിലെത്തി
നിഴലുകള് തണലായ് കരുതി വെച്ച്
സൂര്യന് വളര്ന്നതും
നിഴലുകള് മാഞ്ഞതും
ഭാണ്ഡം മുറുക്കുവാന് ഹേതുവായി
ചോലകള് പലതും കഴിഞ്ഞു പോയി
യാത്രകള് ഒരുപാട് ദൂര മെത്തി
കത്തുന്ന വേനലില് തണലായ് വിരിച്ചയാ
നിഴലുകള് ഓര്മ്മയില് തങ്ങി നില്പൂ
പങ്കായ തോണിയില് തുടങ്ങിയോരീ യാത്ര
ആകാശ കപ്പലില് എത്തി നില്പൂ
ഇനിയുമൊരായുസ്സ് ചാടി കടക്കുവാന്
എന്തെന്തു യാത്രകള് ബാക്കി നില്പൂ .....?
അഷ്റഫ്.എസ്സം.വരിക്കോളി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ