യാത്രക്ക് ഒരുങ്ങുക ..
-----------------------------------
പോയ കാലത്തിന്റെ കര്മ്മവു ധര്മ്മവും
മനസ്സിന്റെ ത്രാസ്സിൽ തൂക്കി നോക്കി
കീഴായ് കിടക്കുന്ന തിന്മതൻ തട്ടിനെ
ശിഷ്ടായുസ്സാലുയര്ത്തിടാമോ ..?
കർമ്മം കറുപ്പിച്ച വ്രണിത ഹൃദയത്തെ
തൗബയിൽ ചാലിച്ച് നിർദ്ദൊഷമാക്കണം
കളവായ് പറഞ്ഞു നീ നോവിച്ച ഹൃദയത്തെ
മാപ്പിന്റെ താളിയിൽ കഴുകിടേണം
അന്യന്റെ പണമാലുദരം നിറക്കുമ്പോൾ
നാളത്തെ ചോദ്യമതോര്മ്മ വേണം
അമലുകൾ ചെയ്തു പാപ്പരായ് തീരാതെ
ഹക്കുകൾ വീട്ടി നീ യാത്ര പോണം
ശീതം നുണഞ്ഞു നിദ്രയെ തഴുകുമ്പോൾ
ഇരുളാം ഖബറിനെ ഓർമ്മയുണ്ടോ..?
കോടികൾ വിട്ടു നീ മുക്കണ്ടം തുണിയുമായ്
ആറടി വീട്ടിൽ യാത്രയാവും
മണ്ണിൽ വിതച്ചതും വിണ്ണിലുയര്ന്നതും
നന്മതൻ ത്രാസ്സിൽ ചെന്നിടേണം
സമയവുമർത്ഥവും തന്നവൻ കേട്ടാൽ
തെറ്റാ കണക്കുകൾ വെച്ചിടേണം..
അഷ്റഫ് എസ്സം വരിക്കോളി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ