നിദ്രയുടെ താഴ്വരയിൽ
ചിന്ത പുതച്ചുറങ്ങുന്നേരം
സ്വപ്നത്തിൻ മണി മുറ്റത്ത്
പിഞ്ചൊമന വിരുന്നു വന്നു
കൈകാലുകൾ ആംഗ്യം കാട്ടി
ഒരു പാട് കഥകൾ ചൊല്ലി
കളിപ്പാട്ടമൊളിക്കും കണ്ണിൽ
പുഞ്ചിരിയുടെ വർണ്ണംകണ്ടു
കാൽമുട്ടുകൾ തറയിൽ കുത്തി
നാലഞ്ചടി ദൂരം പോയി
ഒളികണ്ണാൽ തിരിഞ്ഞു നോക്കി
പാൽ പുഞ്ചിരി തറയിൽ വീണു
പിച്ച വെച്ചോടിപ്പോകാൻ
ആശകളുണ്ടെന്നാലും
വീഴാതെ നടക്കാനിനിയും
ഒരുപാട് പാഠം ബാക്കി
സമയമണി ബഹളം വെച്ചു
സ്വപ്നവും മുറിഞ്ഞു പോയ്
ഇരുൾമൂടിയ ചുവരുകൾക്കുള്ളിൽ
ഞാനുമെൻ ദുഖവും മാത്രം
അഷ്റഫ് എസ്സം വരിക്കോളി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ