കൊച്ചു കൊച്ചു മോഹങ്ങൾ

കൊച്ചു കൊച്ചു മോഹങ്ങൾ
-----------------------------------
കാലത്തിറങ്ങാനൊരു ജോലി വേണം
കേറിക്കിടക്കാനൊരു കൂര വേണം
കൂരയിലൊരു പിടി ചോറ് വേണം
തെറ്റുകൾ ചൂണ്ടാനോരമ്മ വേണം

നോവുകൾ നുള്ളാനൊരു പെണ്ണ് വേണം
പെണ്ണിന്റെ കയ്യിലൊരു കുഞ്ഞു വേണം
കുഞ്ഞിനുടുക്കാൻ കോടി വേണം
കീശയിലതിനൊരു ഗാന്ധി വേണം

കൊല്ലാതെ കക്കാതെ നേടിടേണം
വല്ലായ്മ ചൊല്ലാതെ നിലനിൽക്കണം
മതിലുകളതിരുകൾ തീര്ത്തിടുമ്പോൾ
ആകാശം പോലൊരു മനസ്സ് വേണം

അഷ്‌റഫ്‌ എസ്സം വരിക്കോളി