കിഞ്ചന വർത്തമാനം

കിഞ്ചന വർത്തമാനം
-------------------------------
കുടയുണ്ടോ കൂട്ടരേ
തോരാത്ത മഴയിലെൻ
തലയൊന്നൊളിപ്പിക്കാൻ
വടിയുണ്ടോ കൂട്ടരേ 
ഓടകൾ പൊട്ടിയൊഴുകുന്ന
നടപ്പാതയിൽ പാദമിടറാതെ
യക്കരയെത്തുവാൻ
വിളക്കുണ്ടോ കൂട്ടരേ
വഴിവിളക്കുകളണഞ്ഞു പോയ കണ്ണിൽ
ഇത്തിരി വെട്ടം നൽകുവാൻ
ഒരു തുണ്ട് പഞ്ഞിയുണ്ടോ കൂട്ടരേ
ആർത്തിയുടെ ഇടിമുഴക്കങ്ങൾ കേട്ട്
കാതു പൊട്ടാതിരിക്കാൻ
വളയാത്ത നട്ടെല്ല് കിട്ടുമോ കൂട്ടരേ
ചുമരുകൾ തകർന്ന നാടിന്റെ 
മേൽകൂര താങ്ങുവാൻ ......?

അഷ്‌റഫ്‌ എസ്സം വരിക്കോളി

 —