ഖുർബാനി

ഖുർബാനി .........
--------------------------------
ശീലങ്ങളൊക്കയും ശീലമായ് നിൽക്കവേ
ബലിമൃഗം വെറുതെ പിടഞ്ഞു മരിക്കുന്നു
വേദവാക്യങ്ങൾ ജീവനിൽ തട്ടാതെ
തക്ബീർ മുഴക്കി പള്ളികൾ നിറയുന്നു

നമ്രൂദ് നാട്ടിൽ തീകുണ്ഡം തീർക്കുന്നു
ഇബ്രാഹിം വീട്ടിൽ ഓടിയൊളിക്കുന്നു
മുതലുകളരുമയായ് താലോലിചീടുന്നു
കല്പനകളത്രയും തിരസ്കരിചീടുന്നു

ഹജ്ജുകൾ ടൂറുകളായിടുമ്പോൾ
ഹാജി നാമത്തിനായ് ഹാജത്ത് മൂത്തവൻ
വേഷങ്ങളൂരി തിരുനാട്ടിലെത്തുന്നു
ജീവിതം മാറാത്ത കർമ്മങ്ങളത്രയും
പെരിനായുള്ള ഗജസ്നാന മാവുന്നു

ബലിയർപ്പിചീടുക ശീലങ്ങളത്രയും
നന്മയുടെ വഴിയിൽ മുന്നേ നടക്കുക
പെരുന്നാൾ വെളിച്ചത്തിൽ
ചാർച്ചയെ ചേർക്കുക
ധർമ്മം കൊടുത്ത് നീ അധർമ്മം തടയുക

അല്ലാഹു അക്ബർ വലില്ലാഹിൽ ഹംദ്

അഷ്‌റഫ്‌ എസ്സം വരിക്കോളി