യാത്ര .......

യാത്ര ...................
--------------------------

ജനി മൃതികൾക്കിടയിലൊരു നൂൽപാലം
അതിന്റെ മേലാണെന്റെ സഞ്ചാരം
പ്രതീക്ഷ കളാണെന്റെ കൈതാങ്ങ്
ദുരിതങ്ങളാണേന്റെ തുകൽ സഞ്ചിയിൽ

ആത്മവിശ്വാസത്തിന്റെ തിരിവെളിച്ചം
യാത്രയിൽ തപ്പി തടഞ്ഞിടുന്നു
പോക്കുവേയിലേറ്റ പാദങ്ങളിൽ
വ്രണിത മുറിവുകൾ നീറിടുന്നു

സത്യങ്ങൾ കേൾകാതെ
നന്മകൾ കാണാതെ
കാതങ്ങളേറെ നടന്നു പോയി
ഓടി കിതച്ച യെൻ യാത്രകൾ
ഇന്നൊച്ചിനെ പോലെ ഇഴഞ്ഞു നീങ്ങി
പോയ കാലത്തിന്റെ കർമ്മങ്ങളിന്നു
ദുരിതങ്ങളായ് വന്നു നൃത്തമാടി

അരനാഴി ദൂരത്തെ യാത്ര തീരാൻ
ഇനിയുമേതേതു പാദങ്ങൾ
നമിചീടണം ................?

അഷ്‌റഫ്‌ എസ്സം വരിക്കോളി

 —