പ്രണയത്തിന്റെ ചതി കുഴികൾ

പ്രണയത്തിന്റെ ചതി കുഴികൾ
-------------------------------------
ചതിയിൽ പൊതിഞ്ഞൊരാ
പ്രണയ വാക്യങ്ങളെ
കരളിലെ കുളിരായ് കൊണ്ട് നടന്നു നീ
അച്ഛന്റെ മോഹവും അമ്മതൻ ആധിയും
പാടെ മറന്നു നീ പ്രണയി യായി
അരുതാത്ത ഖനിയുടെ മധുരം നുണഞ്ഞു
നഗ്നയായി ലജ്ജയായ് ആപതിച്ചു
അതിരുകൾ ചൊല്ലിയ ആപ്ത വാക്യങ്ങളെ
എതിരു പറഞ്ഞു നീ ഖിന്നയാക്കി
ആഴമറിയാതെ ഓട മിറക്കി
ആഴക്കടലിൽ ഏകയായി
ആരാരുമറിയാതെ നിദ്രയെ തൊട്ടു
കഥകൾ പറഞ്ഞു മടങ്ങിടുമ്പോൾ
വീണുടഞ്ഞ പളുങ്കു പാത്ര ചീളിൽ
ഇനിയുമുണരാത്ത യവ്വനങ്ങൾ
ആയിരം മുഖങ്ങളായ് മിന്നി നിൽപ്പൂ

അഷ്‌റഫ്‌ എസ്സം വരിക്കോളി