പൂമ്പാറ്റ ...................

പൂമ്പാറ്റ ...(ഒരു കുട്ടി കവിത )
---------------------------------------
പുള്ളി പുടവ വിരിച്ചു വെച്ച്
മുള്ളിലും പൂവിലുമുമ്മ വെച്ച്
കൈപുള്ള ചെടിയിലെ
മധുരമാം മധുവിനെ
ഓമന ചുണ്ടിനാൽ നുകര്ന്നെടുത്തു .
മഞ്ഞ ചിറകുള്ള മഞ്ഞിളം പാറ്റയും
പുള്ളികുടയുള്ള പൂ തുമ്പിയും
കാട്ടിലെ പൂവിന്റെ മധുരം നുകർന്നവർ
പാടത്തെ പൂവിനും ഗര്ഭമേകി
പൂവും പഴങ്ങളും മാവോളം പൂവിട്ടു
പൂവാലൻ കിളി പാട്ട് പാടി
കാടും മരിച്ചു പോയിന്നെന്റെ നാട്ടിൽ
പാടവും തൂർന്നുപൊയെന്റെ നാട്ടിൽ
പൂമ്പൊടി തേടിയ പൂമ്പാറ്റയിന്നു
പ്ലാസ്റ്റിക് പൂവിനെയുമ്മവെചു
മധുവില്ലതിൽ പിന്നെ പൂമ്പൊടിയും
ശാപം ചൊരിഞ്ഞവൾ യാത്രയായി
വേനലും മഞ്ഞും മഴയുമിന്നു
വൈരിയായി കാലം മറിഞ്ഞു വന്നു
നാട്ടിലും വീട്ടിലും വെള്ളമായി
പാടങ്ങളൊക്കെ കരിഞ്ഞു പോയി

അഷ്‌റഫ്‌ എസ്സം വരിക്കോളി