പ്രവാസം ---
--------------------------
പേരിനൊപ്പം ചേർത്ത് വെച്ച
വിദ്യയുടെ ആംഗലാക്ഷരങ്ങൾ
വയറ്റിലെ കത്തലടക്കാഞ്ഞു
ഞാനും അറബി നാട്ടിലേക്ക്
ആകാശ കപ്പലുകയറി
മോഹങ്ങളുടെ
ഹാർമോണിയ പെട്ടി തുറക്കവേ
മരുഭൂമി എന്നോട് പറഞ്ഞു
ശാന്തനാവുക
എന്നിലടിഞ്ഞു ചേർന്ന
മണൽ കൂമ്പാരങ്ങൾ
കോരിയെടുത്തു വേണം
നിന്റെ സ്വപ്നങ്ങളുടെ
വിത്ത് പാകാൻ
ജനിച്ച മണ്ണിലെ അലസതകൾ
അഴിച്ചു വെക്കുക
ഇല്ലങ്കിൽ
നിന്റെ ആഗ്രഹങ്ങൾക്ക് മുകളിൽ
മറ്റൊരു മണൽകൂന തീർത്തു
മടങ്ങി പോകാം
പേന പിടിച്ച കൈകളിൽ
ചായ കോപ്പ തന്നു
സ്വപങ്ങളുടെ ഹരിശ്രീ
കുറിക്കുമ്പോൾ
കാതു കൂർപിച്ചു കേട്ട ലക്ച്ചറുകളും
എഴുതി തീർത്ത ഉത്തര കടലാസും
ശോക ഗാനം പാടുന്നുണ്ടായിരുന്നു
വിദ്യ വിദ്യക്ക് വേണ്ടിയെന്നു
മനസ്സിനെ പഠിപ്പിച്ചു
കിട്ടിയ ജോലിയിൽ നന്മ കണ്ടു
നിരക്ഷരൻ കുബേരനാകുന്നതും
ജ്ഞാനി കൂലിയാവുന്നതും
കണ്ടു നേരം വെളുക്കവേ
പ്രവാസം എന്നോട് പറഞ്ഞു
അധ്വാന ശീലനാവുക
വിദ്യ കൂട്ടിരിക്കും അലസനായാൽ
കടം കൂടെയിരിക്കും
അഷ്റഫ് എസ്സം വരിക്കോളി
--------------------------
പേരിനൊപ്പം ചേർത്ത് വെച്ച
വിദ്യയുടെ ആംഗലാക്ഷരങ്ങൾ
വയറ്റിലെ കത്തലടക്കാഞ്ഞു
ഞാനും അറബി നാട്ടിലേക്ക്
ആകാശ കപ്പലുകയറി
മോഹങ്ങളുടെ
ഹാർമോണിയ പെട്ടി തുറക്കവേ
മരുഭൂമി എന്നോട് പറഞ്ഞു
ശാന്തനാവുക
എന്നിലടിഞ്ഞു ചേർന്ന
മണൽ കൂമ്പാരങ്ങൾ
കോരിയെടുത്തു വേണം
നിന്റെ സ്വപ്നങ്ങളുടെ
വിത്ത് പാകാൻ
ജനിച്ച മണ്ണിലെ അലസതകൾ
അഴിച്ചു വെക്കുക
ഇല്ലങ്കിൽ
നിന്റെ ആഗ്രഹങ്ങൾക്ക് മുകളിൽ
മറ്റൊരു മണൽകൂന തീർത്തു
മടങ്ങി പോകാം
പേന പിടിച്ച കൈകളിൽ
ചായ കോപ്പ തന്നു
സ്വപങ്ങളുടെ ഹരിശ്രീ
കുറിക്കുമ്പോൾ
കാതു കൂർപിച്ചു കേട്ട ലക്ച്ചറുകളും
എഴുതി തീർത്ത ഉത്തര കടലാസും
ശോക ഗാനം പാടുന്നുണ്ടായിരുന്നു
വിദ്യ വിദ്യക്ക് വേണ്ടിയെന്നു
മനസ്സിനെ പഠിപ്പിച്ചു
കിട്ടിയ ജോലിയിൽ നന്മ കണ്ടു
നിരക്ഷരൻ കുബേരനാകുന്നതും
ജ്ഞാനി കൂലിയാവുന്നതും
കണ്ടു നേരം വെളുക്കവേ
പ്രവാസം എന്നോട് പറഞ്ഞു
അധ്വാന ശീലനാവുക
വിദ്യ കൂട്ടിരിക്കും അലസനായാൽ
കടം കൂടെയിരിക്കും
അഷ്റഫ് എസ്സം വരിക്കോളി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ