മഴ പെയ്യുന്നു

മഴ പെയ്യുന്നു ..............

-----------------------------

ജരാ നരകൾ മൂടിയ

മുദ്രാ വാക്യങ്ങൾ

അങ്ങാടിത്തെരുവിൽ

വീണുടയുന്നു

അസത്യങ്ങളുടെ പേമാരിയിൽ

ഒഴുകിപോയ

സത്യസ്മാരകങ്ങളിൽ

വിറങ്ങലിച്ചു നിൽപ്പുണ്ട്

മാന്യ ദേഹങ്ങൾ

അവകാശ സമരത്തിന്റെ

ചെമ്മണ്‍പാതയിൽ

അധികാര മോഹത്തിന്റെ

പൂപ്പലുകൾ തീർത്ത വഴുവഴുപ്പ്

ജാതികൾ അളന്നെടുത്ത അധികാരം

ശിരസ്സോളമെത്തി നിൽകുന്നു

പരിഹാരം തേടുന്ന

ഗാന്ധിയൻ മാരുടെ മുന്നിൽ

സാക്ഷിയാവുന്നത്

ഒഴിഞ്ഞ മദ്യ കുപ്പികൾ

മഴ തകർത്തു പെയ്യുമ്പോൾ

ചോർന്നൊലിക്കുന്ന കുടക്കീഴിൽ

നിങ്ങളും ഞാനും ....................

അഷ്‌റഫ്‌ എസ്സം വരിക്കോളി

...