ശാലിനി ടീച്ചർ

 (y) അദ്ധ്യാപക ദിനാശംസകൾ (y)

ശാലിനി ടീച്ചർ ........
-------------------------------
ആരാരുമല്ലാതിരുന്നിട്ടും
സാരിത്തലപ്പുകൊണ്ടെന്റെ
മഴ നനഞ്ഞു മൂര്‍ധാവിലെ
ഈറൻ മാറ്റിയ ശാലിനി ടീച്ചർ
എട്ടാം തരത്തിൽ പഠിക്കുമ്പോൾ
നിറുകയിലുമ്മവെച്ചു
ക്ലാസിലൊന്നാമനായപ്പോൾ
സ്നേഹാലിംഗനം ചെയ്തു
അറിവുകൾ കൊത്തി പെറുക്കും കാലം
സാരിത്തലപ്പുകൾ മറയാതിടം തേടി
ഒളികണ്ണയച്ചില്ല
സ്നേഹ വാക്കുകൾ ഹൃദയങ്ങളിൽ
കാമ വ്രണങ്ങൾ തീർത്തതില്ല
ടീച്ചറിൻ വദനം  ചുരത്തും
വിദ്യതൻ മധുരാക്ഷരങ്ങൾ
നുണയവേ
തടിച്ച കണ്ണട കൂടിനുള്ളിൽ
അമ്മയുടെ വാത്സല്യം കണ്ടു
ചേച്ചിയുടെ ശാസനകൾ കേട്ടു
നാളയുടെ സ്വപ്നങ്ങളും
ഇന്നലയുടെ ചരിത്ര പാഠങ്ങളും
മൊഴി മുത്തുകൾ പോലെ
സ്നേഹ പ്രവാഹമായി
സ്നേഹ മാതാവായി
അന്നു മിന്നു മെന്നുമോർക്കുന്നു
ഞാനെൻ ട്ടീച്ചറമ്മയെ

അഷ്‌റഫ്‌ എസ്സം വരിക്കോളി