വഞ്ചിക്കപ്പെടുന്നവർ

വഞ്ചിക്കപ്പെടുന്നവർ
--------------------------------------
കോർപ്പറേറ്റ്കൾക്ക് വേണ്ടി
എഴുതി തള്ളിയ
കുടിശ്ശികയോളം വരില്ല
ഭാരതത്തിലെ പട്ടിണിയുടെ വലുപ്പം
എന്നിട്ടും വീണ്ടും വീണ്ടും
കുത്തക പ്രീണനം നടത്തുന്ന
സർക്കാറുകൾക്ക് മുന്നിൽ
ഓച്ചാനിച്ച് നിൽകുകയാണ്‌ ജനം
മദ്ദളം ചെണ്ടയോടും
ചെണ്ട മദ്ദളത്തോടും
സങ്കടം പറയുന്ന അറ്റമില്ലാത്ത കാഴ്ച
ഇല്ല കൂട്ടരേ നാം മാറ്റത്തിന്
സ്വയം തയാറാവാതിടം വരെ
നമ്മെ ആരും മാറ്റുകയില്ല
ആർത്തിയുടെ കൈകടത്തലുകൾ
തീ ഗോളങ്ങളായ്
തലയിൽ വീഴുന്നതിൻ മുന്നേ
ഒരു മുദ്രാവാക്യം ,
മത ജാതി രാഷ്ട്രീയ കുടിലതകൾക്കപ്പുറം
ഭാരതീയനായ് , മനുഷ്യനായ്
നന്മയുടെ, ഐക്യത്തിന്റെ,
സാധുജനത്തിന്റെ,
ഒരു സംഘശബ്ദം................ .

അഷ്‌റഫ്‌ എസ്സം വരിക്കോളി