ജലദിനം

ജലദിനം 

-----------------------
അന്ന് മഴവരുമ്പോൾ ആധിയായിരുന്നു
ചോർന്നൊലിക്കുന്ന മെൽകൂരക്ക് താഴെ
നിരത്തിവെക്കാനുള്ള പാത്രങ്ങളില്ലാഞ്ഞു 
അഴയിലിട്ട തുണിയുടെ പച്ച മാറാഞ്ഞ്
ഊതി ഊതി കണ്ണ് നിറയുന്ന വിറകിനെ ഓർത്ത്
വില്ല് പൊട്ടിയ കുടയുമായ് പോകുന്ന കുഞ്ഞിനെ ഓർത്ത്

ഇന്ന് മഴ കൗതുകമാണ്
നിറഞ്ഞിരിക്കാൻ വയലുകൾ ഇല്ലാഞ്ഞു
റോഡിലൂടെ പുഴയായ് ഒഴുകുന്ന മഴയെ കാണാൻ
ഓടയിലെ എച്ചിലുകൾകൊപ്പം നടന്നകലുന്ന
വഴിയാത്രക്കാരനെ കാണാൻ

ഋതുക്കൾ തെറ്റി വിരുന്നു പോകുന്നു മഴ മേഘങ്ങൾ
കാടാറുകൾ പാഴ്നിലമായി
കായലുകൾ മണി സൗധമായി
വരും തലമുറയോടെഴുതി പറയണം
ഇവിടെ ഒരു പുഴയുണ്ടായിരുന്നെന്നു

അഷ്‌റഫ്‌ എസ്സം വരിക്കോളി