ഒറ്റക്കട്ടിൽ

ഒറ്റക്കട്ടിൽ
-----------------------------
പ്രവാസത്തിന്റെ ഈ ഒറ്റക്കട്ടിലിൽ
ആയുസിന്റെ തിരിനാളങ്ങൾ
എരിഞ്ഞടങ്ങുമ്പോൾ 
നാളെ ഒരു കൂട്ട കരച്ചിലിന് മുമ്പെങ്കിലും
വീടണയാൻ കഴിയണം
ഷുഗറും പ്രഷറും
ഹാര്ട്ടിനും കിഡ്നിക്കും നേരെ
വാളോങ്ങി നിൽകുമ്പോൾ
കാലെടുത്ത് വെക്കാൻ
താഴെ ശൂന്യത മാത്രം
മണ്ണും മാളികയും സ്വപ്നം കണ്ടതും
വികാരവും വിചാരവും പങ്കു വെച്ചതും
ഈ ഒറ്റക്കട്ടിലിലായിരുന്നു
ഇരുളിലൊരു മഞ്ചിരാതെങ്കിലും
കത്തിച്ചു വെക്കാൻ
കരുത്തു തന്നവൻ ഈ ഒറ്റക്കട്ടിൽ
കത്തുന്ന ഖൽബിൽ കുളിരു കോരിയ
മരുക്കാറ്റിനൊടും
സാന്ത്വനം തന്ന സഹമുറിയരോടും
നന്ദി ചൊല്ലണം
മടക്കമില്ലാത്ത യാത്രക്ക് വിളിക്കും മുമ്പേ
ഒരു യാത്ര പോകണം ...

അഷറഫ് എസ്സം വരിക്കോളി