ഞാനും പിന്നെ ഞാനും

ഞാനും പിന്നെ ഞാനും
---------------------------------------
ഞാനധിപനല്ലാത്ത മനസ്സിൽ
നീ എങ്ങിനെ വന്നു
എന്റെ ചോദ്യങ്ങളത്രയും കല്ലായിരിക്കെ
നിന്റെ ഉത്തരങ്ങൾ എന്നിൽ തേടുന്നുവോ
ഇരിക്കുമ്പോൾ കൂടെയിരിക്കാത്ത
കിടക്കുമ്പോൾ കൂടെകിടകാത്ത
ഉണർന്നിരിക്കുമ്പോൾ ഇക്കിളി കാഴ്ചയിലും
ഉറങ്ങിയാൽ പ്രേത ഭൂമിയിലും അലയുന്ന മനസ്സിൽ
ഞാൻ തേടുന്ന ചങ്ങല കെട്ടുകൾ
നീ അപഹരിച്ചുവോ ...?
നാവിൽ കാത്തുവെച്ച  ദേവ മന്ത്രങ്ങൾ
മനസ്സിനെ കാണാതെ തിരിച്ചു വരുമ്പോൾ
വൃഥാ വ്യായാമമായ് തീർന്ന എന്റെ കർമ്മങ്ങൾ
നീ അറിയുന്നുവോ
മനസ്സും ഞാനും ഒന്നാവും ദിനം
മരണം തേടി വന്നില്ലങ്കിൽ
നിന്റെ ഉത്തരങ്ങൾ ഞാൻ കരുതി വെക്കാം

അഷ്‌റഫ്‌ എസ്സം വരിക്കോളി