അര്ത്ഥം

അർത്ഥം
---------------------------
അര്ത്ഥം തേടി അലയുന്ന മർത്യൻ
നിരര്‍ത്ഥം ചുമന്നു നടുവൊടിയുന്നു
ജനമെന്തിനു ജനനമെന്തിനു
മരമെന്തിനു മരണമെന്തിനു
പകലെന്തിനു പാതിരാവെന്തിനു
അർത്ഥമറിയാത്ത യാത്രയിൽ
വ്യർത്ഥ മോഹങ്ങളും കൂട്ടിനായ്
പൊരുളറിഞ്ഞവൻ ഉരുളുന്നു വിണ്ണിൽ
പൊരുത്തപെടാത്ത ജല്പനങ്ങളാൽ
വേലികെട്ടിയ നേരിന്റെ വഴിയിൽ
ശുഭ്രവസ്ത്ര പാറാവുകാർ
കണ്ണ് കെട്ടിയ നീതിക്ക് പിന്നിൽ
കരുണയില്ലാത്ത കിങ്കരൻമാർ
ഇരുള് മൂടിയ കാനന യാത്രയിൽ
വിരല് പോയൊരു വില്ലാളി ഞാൻ
കരളുരുകും കാഴ്ചകൾക്ക്  മുന്നിൽ
നാവു കെട്ടിയ നാക്കാലിയായ്
നീരു വറ്റിയ കായലിൽ
കിനിവ് തേടുന്ന ചെറുമീനു പോൽ
അർത്ഥമാവാതെ ...........

അഷ്‌റഫ്‌ എസ്സം വരിക്കോളി