പേടി

എന്റെ പേടി
-----------------------------
മുള്ളും മൂർഖനുമുള്ള വഴിയിൽ
ചങ്ങാതിയാണെന്റെ പേടി
വാളും വാക്കുമുള്ള നാട്ടിൽ
ചെറു ചിരികളാണെന്റെ പേടി
പണവും പദവിയുമില്ലാതിരിക്കുമ്പോൾ
വാഗ്ദാനങ്ങളാണേന്റെ പേടി
അയലത്തൊരു ദരിദ്രൻ വസിക്കുമ്പോൾ
സമ്പത്താണെന്റെ പേടി
നല്ലത് ചെയ്യുമ്പോൾ
അഹങ്കാരമാണെന്റെ പേടി
വൃദ്ധ സദനങ്ങളുയരുമ്പോൾ
ആയുസ്സാണെന്റെ പേടി
ഉള്ളത് പറഞ്ഞാൽ
ഉള്ളിന്റെയുള്ളിലാണ് പേടി

അഷ്‌റഫ്‌ എസ്സം വരിക്കോളി