എന്റെ വിദ്യാലയം
-----------------------------------------
മതിലുകളില്ലാത്ത സ്നേഹാലയം
അതിരുകളില്ലാത്ത വൃന്ദാവനം
തടയണയില്ലാത്ത അരുവികളിൽ
ഇട തടവില്ലാത്ത മന്ദസ്മിതം
പ്ലാവിലപ്പൊതിയിലെ എരുവുകളിൽ
ജാതി മതമില്ലാത്ത തൊട്ടു കൂട്ടൽ
കലപില കൂട്ടുന്ന ക്ലാസുകളിൽ
കലവറയില്ലത്ത വാക്കു തർക്കം
ആരാരുമല്ലാതിരുന്നിട്ടും
സാരിത്തലപ്പുകൊണ്ടെന്റെ
മഴ നനഞ്ഞ മൂര്ധാവിലെ
ഈറൻ മാറ്റിയ ശാലിനി ടീച്ചർ
അറിവുകൾ കൊത്തി പെറുക്കും കാലം
സാരിത്തലപ്പുകൾ മറയാതിടം തേടി
ഒളികണ്ണയക്കാത്ത കാലം
സ്നേഹ വാക്കുകൾ ഹൃദയങ്ങളിൽ
കാമ വ്രണങ്ങൾ തീർത്തതില്ല
ട്ടീച്ചറിന്നധരങ്ങളിൽ ചുരത്തും
വിദ്യതൻ മധുരാക്ഷരങ്ങൾ നുണയവേ
തടിച്ച കണ്ണട കൂടിനുള്ളിൽ
അമ്മയുടെ വാത്സല്യം കണ്ടു
ചേച്ചിയുടെ ശാസനകൾ കേട്ടു
നാളയുടെ വാഗ്ദാനങ്ങളും
ഇന്നലയുടെ ചരിത്ര പാഠങ്ങളും
മൊഴി മുത്തുകൾ പോലെ
ഇന്നന്റെ യാത്രയിലൊരു താങ്ങായ്
ഒരു സ്നേഹ വിദ്യാലയം
അഷ്റഫ് എസ്സം വരിക്കോളി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ