രോഹിംഗ്യൻസ്

റോഹിൻഗ്യൻ മക്കളെ മാപ്പ്
----------------------------------------------
നിങ്ങൾ ആ നിലവിളികൾ കേൾകുന്നില്ലേ
ഐ ഫോണിനോ ഐ പേടിനോ വേണ്ടിയല്ല
വരണ്ടുണങ്ങിയ നാവിൽ ഒരിറ്റ് ദാഹ ജലത്തിന്
കത്തുന്ന വയറിൽ ഒരു പൊട്ട് റൊട്ടി കഷണത്തിന്
അവർ തീവ്രവാദികൾ അല്ല
അവരിൽ ഭീകരവാദവും ഇല്ല
ബുദ്ധന്റെ ശത്രുവല്ല
യേശുവിനെ നിഷേധിച്ചവരല്ല
മുത്ത് റസൂലിന്റെ അനുയായികൾ
ഏക ദൈവത്തിൽ പ്രണാമം അർപ്പിച്ചവർ
അതിന്റെ പേരിൽ മാത്രം
ജന്മ നാട് നിഷേധിക്കപെട്ടവർ
അവരും ഈ ഭൂമിയുടെ അവകാശികൾ
മനുഷ്യ ജന്മങ്ങൾ
പ്രാണവായു മാത്രം സ്വന്തമായുള്ളവർ
പ്രാണൻ രക്ഷിക്കാൻ
വിസർജ്യം ഭുജിക്കുന്ന ഹതഭാഗ്യർ
കോടികൾ കെട്ടിപ്പൂട്ടി സൌഖ്യം നുകരുന്നവർ
പട്ടിണിയുടെ നിലവിളികൾ കേൾകാതെ പോയതെന്തേ
അഭയം തേടി വന്നവനെ കാണാതെ പോയതെന്തേ
കാതും കണ്ണും അടച്ചവരെ നിങ്ങൽക്ക് ആരു മാപ്പ് തരും
ഹോ രോഹിംഗ് ..മനുഷ്യരെ
നിങ്ങൾക്കഭയം തരാൻ ഞാനൊരു രാഷ്ട്ര നേതാവല്ല
നിങ്ങൾക്ക് ഭക്ഷണമെത്തിക്കാൻ ഞാനൊരു പണക്കാരനുമല്ല
എന്റെ കയ്യിലുള്ളത് പ്രാർഥനകൾ മാത്രം
യാ റബ്ബ് ..... ഈ സഹോദരങ്ങൾക്ക് നീ
ഒരു വഴി തുറന്നു കൊടുക്കേണമേ .
വിശന്നു വലയുന്ന കുഞ്ഞുങ്ങൾക്ക്
നീ തുണയാവണേ
✍️അഷ്‌റഫ്‌ എസ്സം വരിക്കോളി