എസ്സം .ബ്ലോഗ്‌

മീസാൻ കല്ലുകൾ

------------------------------

ഓർമ്മയുടെ നിലാ വെളിച്ചത്തിൽ

മീസാൻ കല്ലുകൾ മാടി വിളിക്കുന്നു

നിശബ്ദ മാക്കപെട്ട റൂഹുകളെ

ഗര്ഭം ധരിച്ചു മൗനമായ് തേങ്ങുന്നുണ്ട്

പേരെഴുതാത്ത മീസാൻ കല്ലുകൾ

ആറടിയിലാളെറെ കിടക്കുന്ന

സ്മശാനങ്ങളിൽ

മാറി മാറി വിളിക്കുന്ന പേരുകൾക്ക്

തല കുലുക്കുന്ന മീസാൻ കല്ലുകൾ

മറവിയുടെ ആഴങ്ങളിലാണ്ട് പോയ

ആത്മാവുകളെ ഓർത്ത്

കണ്ണ് നീര് പൊഴിക്കുന്നുണ്ടാവാം

ഞെങ്ങിയമരുന്ന ആത്മാവുകളുടെ

നിലവിളികൾ കേട്ട് കറുത്ത് പോയ

മീസാൻ കല്ലുകൾ

സാന്ത്വനത്തിന്റെ സ്വര്ണ നൂലുമായെത്തുന്ന

നല്ല മക്കളെ മാടി വിളിക്കുന്നു

വിശുദ്ധ വചനം തെന്നലായ് വീശുന്ന

വിശുദ്ധിയുടെ പുണ്യരാവുകളിൽ

മുമ്പേ നടന്നവരിലുമെത്തണം

മഗ്ഫിറത്തിന്റെ പ്രാർത്ഥനാ മന്ത്രങ്ങൾ

ഞാനുമിതിലൊരു മീസാൻ കല്ലായ് മാറാൻ

അതിദൂരമില്ലെന്ന ഓർമ്മയിൽ

ഒരു നുറുങ്ങു വെട്ടം കയ്യിലേന്താൻ

ആത്മാവ് മന്ത്രിച്ചെങ്കിൽ ...........

അഷ്‌റഫ്‌ എസ്സം വരിക്കോളി