ഈദ് മുബാറക്

ഈദ് മുബാറക്ക്  ............
-------------------------
ശവ്വാലിൻ ചന്ദ്രപ്പൊട്ട്
വാനിലുയരുമ്പോൾ
തക്ബീര് ശബ്ദങ്ങൾ
മനസ്സിൽ മുത്തമിടും

വ്രതശുദ്ധി മധുരം തീർത്ത
ഹൃദയത്തിലത്തറു പൂശി
പെരുന്നാൾ പിറ കണ്ടാൽ
ഫിത്ത്റുകൾ നൽകീടാം

മനസ്സിന്റെ കൊട്ടാരത്തിൽ
തൃപ്തിയുടെ മത്താപ്പൂക്കൾ
ഉയരട്ടെ നാവുകളിൽ
ആഹ്ലാദ തക്ബീര് ധ്വനികൾ ...

പെരുന്നാൾ മൈതാനത്ത്
സ്നേഹത്തിൻ തിരു മുത്തങ്ങൾ
ഉയരട്ടെ വിണ്ണിൽ നിന്നും
ഒരുമയുടെ തക്ബീർ ധ്വനികൾ

ബന്ധങ്ങളുറപ്പിച്ചു
കുടുംബങ്ങൾ ചേരുന്നേരം
റഹ്മത്തിൻ  കുളിരാകട്ടെ
പെരുന്നാളിൻ സുന്ദര സുദിനം

നന്മകൾ വാടാതിനിയും
പുണ്യമാം പൂ മഴക്കാലം
ആയുസ്സിൽ നൽകണേ
ആലമിന്നുടയവനെ ...

അല്ലാഹു അക്ബർ..വലില്ലാഹിൽ ഹംദ്

അഷ്‌റഫ്‌ എസ്സം വരിക്കോളി