പ്രവാസം

പ്രവാസം
---------------------------
ഓർമ്മകൾ നീന്തുന്ന താഴ് വാരവും
കൊക്കുകൾ മേയുന്ന വയലോരവും
അസ്തമയ സൂര്യന്റെ നിര്‍ഭേദവും
തിരികെ പറക്കുന്ന പറവകളും

കിലുകിലം പാടുന്ന അരുവികളും
കുടുകുടെ പെയ്യുന്ന തേന്മാരിയും
ചീവീട് മോങ്ങുന്ന ശീതരാത്രിയും
മഞ്ഞു പൊട്ടിറ്റുന്ന പൊന്നുഷസ്സും
നഷ്ട സ്വപ്നത്തിൻ നിറക്കൂട്ടുകൾ

സ്നേഹം തുളുമ്പുന്ന മോൻ വിളിയും
കരുതൽ തുടിക്കുന്ന ഡാ വിളിയും
പ്രണയം മൂളുന്ന ഹേയ് വിളിയും
കണ്ണിൽ കുളിർക്കുന്ന പ്പാ വിളിയും
നന്തുണി പാടുന്നു കാതുകളിൽ

അഷ്‌റഫ്‌ എസ്സം വരിക്കോളി