പെണ്ണായ് പിറന്നവൾ

പെണ്ണായ് പിറന്നവൾ ...............
-------------------------------
പതിനെട്ടു പൂവുകൾ കൊഴിഞ്ഞു പോയി
കുഞ്ഞുടുപ്പോക്കെ മാഞ്ഞു പോയി
പുസ്തക കെട്ടുകൾ ഭാരമായി
കറവ കഴിഞ്ഞൊരു
പാൽപാത്രമെന്നപോൽ
അമ്മയുമച്ചനും കാവലായ്
അമ്മ പഴങ്കഥ തുറന്നു വെക്കും
അച്ഛന്റെ കണ്ണുകൾ പരതിനിൽകും
താലിതൻ കാലൊച്ച നിത്യമായി
നിറപറക്കരികിൽ അണിഞ്ഞിരുത്തീടുവാൻ
കൂടെ പിറപ്പിനും തിടുക്കമായി
അങ്ങിങ്ങായ് കുറുകിയ പ്രണയ കുരുവികൾ
ചിറകടിച്ചകലേ പറന്നു പോയി
തറവാട്ടു തൊട്ടിലിൽ കൈകുഞ്ഞിനെപ്പോലെ
കേൾവികൾ കേട്ട് ഞാൻ മൗനിയായി
ബാല്യ മോഹങ്ങളിൽ ചാലിച്ച ചായങ്ങൾ
മറവി തൻ ചെപ്പിൽ ഒളിച്ചു വെച്ച്
മനവിയായ് അമ്മയായ് ........

അഷ്‌റഫ്‌ എസ്സം വരിക്കോളി