ഫ്രീക് .....

ഫ്രീക്ക് :
----------------------------
കുതിരയെപ്പോലെ ശക്തനാം നിന്നുടെ
ലക്ഷ്യ ബോധങ്ങൾ നശിച്ചതെന്നു
പാറപോലുള്ള നിൻ തീരുമാനങ്ങളെ
വെണ്ണയായി തീർത്ത വികാര മെന്ത്

കഴുകനെപ്പോലുള്ള കൌശല കണ്ണിൽ
കരിനിഴൽ വീഴ്ത്തിയ ശക്തിയേത്
കാരുണ്യ വാക്കുകൾ പാടെ മറന്നു നീ
ലഹരിയിൽ മുങ്ങി കുളിച്ചതെന്നു

സ്നേഹമാം അമ്മയെ കണ്ടു പഠിക്കാതെ
നഗ്നയാം സ്ത്രീയിൽ ലയിച്ചു പോയോ
ദാനമായ്‌ കിട്ടിയ പ്രാണന്റെ വീർപ്പുകൾ
ഒരു നാൾ നിലച്ചാൽ തീർന്നു നിന്റെ
തിടമ്പു കുലുക്കിയ ഛിന്നംവിളി

അന്നവുമർത്ഥവും  തന്നവനൊരുന്നാൾ
വരുതിയിൽ നിർത്തി കണക്കെടുക്കും
കൈകാല് സാക്ഷിയായ് വന്നു നിൽകും
നാവുകൾ സത്യം മൊഴിഞ്ഞിരിക്കും

ജീവനും മരണവും ധന്യമാക്കാൻ
ഫ്രീക്കിന്റെ* വഴികൾക്കറുതി നൽകി
ഹക്കിന്റെ* വഴിയിൽ തിരിച്ചു പോകാം

അഷ്‌റഫ്‌ എസ്സം വരിക്കോളി

*ഫ്രീക്ക് = അസാധാരണവും വിചിത്രവുമായ രീതിയില്‍ ജീവിക്കുക
*ഹക്ക്  =  സത്യത്തിന്റെ വഴി