വാര്ധക്യം
----------------------------
രതി സുഖമില്ലാത്ത
ഭോജന രുചിയില്ലാത്ത
കാഴ്ചക്ക് നിറമില്ലാത്ത
അസ്ഥികൾ വലിക്കുന്ന
ഒരു വാര്ധക്യം വരാനുണ്ട്
മഷി തീർന്ന പേന പോലെ
മേശവലിപ്പിൽ തട്ടിക്കളിക്കാൻ
വലിച്ചു തീർന്ന സിഗരറ്റു കുറ്റിപോൽ
ആഷ്ട്രേയിൽ ഞെരിഞ്ഞമരാൻ
പീറ്റയായ തെങ്ങുപോലെ
തളയിടാതെ വളമിടാതെ .......
യൗവനത്തിന്റെ കുതിരക്കുളമ്പടികൾ
ഭൂമിയെ പിളർത്തുമ്പോൾ
ഓർക്കുക , ഇന്നു ഞാൻ നാളെ നീ
യാ റബ്ബ്
വാര്ധക്യമെന്നിൽ എത്തിടുമ്പോൾ
ഭാരമായ് തീരാതെ കാത്തിടേണേ
പെരുവിരൽ തുമ്പിൽ മരണമെത്തുമ്പോൾ
ഖലീമ ചൊല്ലിച്ചു കൊണ്ട് പോണേ ..
അഷ്റഫ് എസ്സം വരിക്കോളി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ