മറക്കാൻ ശ്രമിക്കുന്നവർ

മറക്കാൻ ശ്രമിക്കുന്നവർ
-------------------------
അനുഗ്രഹ മാശിച്ചിടുമ്പോൾ
നിഗ്രഹിച്ചീടുകിൽ, മറന്നേക്കുക
നാഭിക്ക് മുകളിലായ് സാക്ഷ്യം കുറിച്ചിട്ട
പൊക്കിൾ കൊടിയും, മറന്നേക്കുക
നിന്നിന്നലേകള്‍ കേട്ടുറങ്ങിയ
താരാട്ടിനീരടിയും
സ്നേഹം ചുരത്തിയ
മാറും മധുരവും മറന്നേക്കുക

ശബ്ദ കോലാഹലങ്ങൾ
നിശ്ശബ്ദതക്ക് വഴിമാറിയതും
തൂവെളിച്ചങ്ങൾ
അന്ധകാരം പുതച്ചതും
ഗതിവേഗമെന്നോർക്കുക

സൈകതം കണ്ടു നീ
പൊന്നായ് നിനച്ചെങ്കില്‍ ,
പെണ് വാക്ക് കേട്ട് നീ
പുണ്യം മറന്നെങ്കിൽ
ഓർക്കുക
പൂവായ് വിളഞ്ഞതും
കതിരായ് വളർന്നതും
വിത്തായ് ചുരുണ്ടതും നെല്ല് തന്നെ

അഷ്‌റഫ്‌ എസ്സം വരിക്കോളി