തൂപ്പുകാരി

തൂപ്പുകാരി
------------------------
അവർ തൂത്ത് വാരിയത്
നിങ്ങളുടെ ഉച്ഛിഷ്ടങ്ങളായിരുന്നു
അവർ കണ്ണടച്ചത്
അരവയർ പട്ടിണി മാറ്റാനും
എന്നിട്ടും
അവരുടെ തുറന്ന കണ്ണുകൾ
നിങ്ങൾക്ക് ഭയമായിരുന്നു
ഒടുവിൽ
അവസാന കാമവും തീർത്ത്
നിങ്ങളാ കണ്ണുകളെ ....

സത്യം മറനീക്കി വന്നതും
ജനം മൂക്ക് പൊത്തിയതും
മറ്റൊരു പെണ്ണിന്റെ ഭാഗ്യം

കാര്യ സാധനത്തിന്
ഉടുമുണ്ടഴിച്ചവരുടെ
പറയാത്ത പട്ടികയും
മന്ത്രി മന്തിരങ്ങളിൽ
കൂട്ടി കൊടുപ്പുകാരുടെ
അറിയാത്ത മുഖങ്ങളും
ഇനിയു മെത്ര..?
ഹാ.. ഹന്ത കൈരളീ ....

അഷ്‌റഫ്‌ എസ്സം വരിക്കോളി