അധ്യാപക ദിനം
--------------------------------
അധ്യാപകരെ ഞങ്ങൾ
ഇരട്ട പേരിട്ടു വിളിക്കുമായിരുന്നു
ടീച്ചറെയും മാഷിനെയും ചേർത്ത്
ഗോസിപ്പുകൾ പറയുമായിരുന്നു
പക്ഷെ
ഉമ്മയെ പോലെ സ്നേഹിക്കുകയും
ബാപ്പയെപ്പോലെ ബഹുമാനിക്കുകയും
ഗുരുവായി വന്ദിക്കുകയും ചെയ്യുമായിരുന്നു
നിലത്തെഴുത്തിൽ നിന്നും
നിലാവിൽ എഴുതാനുള്ള
ഉയരത്തിൽ വിദ്യ എത്തിയപ്പോൾ
പ്രേമ ലേഖനം വെച്ച് നീട്ടുന്ന
ശിഷ്യന് മുന്നിൽ
തല കുനിച്ചു നിൽക്കുകയാണ്
ടീച്ചറമ്മ
പള്ളികൂടങ്ങളും മദ്യ ഷാപ്പും
തമ്മിലുള്ള അകലം കുറയുമ്പോൾ
മനുഷ്യനും മൃഗവും തമ്മിൽ
വാലിന്റെ കുറവ് മാത്രം.
നന്മയുടെ നാലക്ഷരം പഠിപ്പിച്ചു
ഗുരുനാഥൻ മാർക്ക്
പ്രാർത്ഥനകൾ.
അഷറഫ് എസ്സം വരിക്കോളി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ