ജയ്‌ ഭാരത്

ജയ് ഭാരത്‌
------------------------
കടലിരമ്പി കാടിളകി
വരികയാണ് ഫാസിസം
സൊറ പറഞ്ഞു പഴി പറഞ്ഞു
ശിഥിലമാണ് ജനതയും
സ്വത്വവും സമത്വവും
തല തിരിഞ്ഞു നിൽകവെ
ഗാന്ധിമാർഗം പ്രതിമായായ്‌
ഖാദിയും മരിച്ചു പോയ്‌
വാക്കുകളിൽ സ്നേഹവും
നെഞ്ചിനുള്ളിൽ ക്രോധവും
കോടികൾ കവർന്നെടുക്കാൻ
കൊടിയുമായ് നാരദർ
ഇസങ്ങളും കൊടികളും
അടിമയായ് തീര്ക്കവേ
നാവു കെട്ടി കണ്ണടച്ച്
ജയ്‌ വിളിച്ചു പട്ടിണി
വിട്ടു നമ്മളാദ്യമായ്
ധർമ്മ സമര വീഥികൾ
കൈവിലങ്ങ് കൂലി വാങ്ങി
ജയ് വിളിച്ച പാപികൾ
ജനഹിതം ജയിക്കണം
ജനാധിപത്യ മുയരണം
ഐക്യവും സമത്വവും
സമര ശബ്ദ മാവണം

അഷ്‌റഫ്‌ എസ്സം വരിക്കോളി