പുരുഷ ജന്മം

പുരുഷ ജന്മം ..
-----------------------------
പെയ്യാനിരിക്കുന്ന തേന്മഴ നോക്കി
മേയാനിറങ്ങുന്നു മോഹങ്ങളത്രയും
ഓരോ പ്രഭാതവും മലർപൊടി സ്വപ്നം
അതിലോരോ പ്രദോഷവും നഗ്നപാത്രം
അതിമോഹമല്ലെന്റെ  ആശ മാത്രം
മുതുകിലെ ഭാരത്തിൻ ഭാഷ മാത്രം

കരയാതിരിക്കാൻ പുരുഷ ജന്മം
കരകാണാ കടലോളം കടപ്പാടുകൾ
ചിതലരിച്ചെത്തുന്ന കഴുക്കോലുകൾ
പലവുരു അളന്ന മുഴക്കോലുകൾ

ചേർത്ത് പറയുവാൻ ഗജകേസരി
ഉമ്മറ തൊടിയിൽ നിറ മണ്ഡരി
വയറ്റിലുമടുപ്പിലും നിറ പട്ടിണി
കേൾവിയിൽ ഞാനാണ് കേമൻ

ആനത്തറവാട്ടിലാലിൻ ചുവട്ടിൽ
ആരാരു മറിയാത്തോരത്താഴ പട്ടിണി
ആദിത്യനുയരുമ്പോൾ ആശയും പേറി
ആശ്രിത തെരുവിൽ ഭിക്ഷാടനം

അഷ്‌റഫ്‌ എസ്സം വരിക്കോളി